Vorblíðu njótum í anda þér hjá

Sjálfsævisaga Boga Péturssonar
Saga Ástjarnar á hans dögum

Bogi Pétursson var landskunnur fyrir störf sín með börnum, allt í senn sem forstöðumaður sumarbúðanna við Ástjörn í Kelduhverfi, í skátahreyfingunni og í kristilegu starfi í sinni heimabyggð á Akureyri.

Hér rekur hann í stórum dráttum meginþættina í uppeldi sínu á Eskifirði, starfsvettvanginum í verksmiðjum SÍS, og starfsmannafélagi þar, auk þess sem hann segir frá ýmsum öðrum viðfangsefnum s.s. með Ferðafélagi Akureyrar og starfi með föngum.

Stærsti hluti sögu hans fjallar um starf hans fyrir Sjónarhæðarsöfnuðinn og rekstur sumarbúðanna á Ástjörn. Kynni hans af merkum mönnum á þeim vettvangi s.s. Arthuri Gook og Sæmundi Jóhannessyni, sem og samferðamönnum og velunnurum Ástjarnar.

Merkast er þó óeigingjarnt starf hans á Ástjörn þar sem hundruðir barna nutu leiðsagnar hans og umönnunar áratugum saman.